ՄԱԿ-ի տվյալներով ՄԻԱՎ-ը «նահանջում է»

Աշխարհում ՄԻԱՎ-ի նոր դեպքերի քանակը նվազել է. 2001 թվականի 3.1 մլն-ի փոխարեն, 2009-ին գրանցվել է 2.6 մլն դեպք, այսինքն՝ արձանագրվել է 19% նվազում:

Այս մասին հայտնել է ՄԱԿ-ի ՁԻԱՀ-ի դեմ պայքարի գործակալության տնօրեն Միշել Սիդիբեն:

«56 երկրներում հիվանդացության մակարդակը կայունացել է կամ զգալիորեն նվազել»,- նշել է Միշել Սիդիբեն Ժնևում լրագրողների հետ հանդիպման ժամանակ:

Զգալի արդյունքի են հասել, մասնավորապես, աֆրիկյան այն երկրները, որոնք գտնվում են Սահարայից հարավ ընկնող տարածքում: Այստեղ ՁԻԱՀ-ից մահացության տոկոսը վերջին 5 տարվա ընթացքում կրճատվել է 20%-ով, մասնավորապես Հնդկաստանում, Թայլանդում և Նեպալում:

Ներկայում, աշխարհում ապրում է 33.3 մլն ՁԻԱՀ- վարակակիր: Նախորդ տարվա համեմատ ցուցանիշը նվազել է 100 հազարով:

Հիշեցնենք, որ վերջին 30 տարիների ընթացքում «20-րդ դարի ժանտախտով» վարակվել է 60 մլն մարդ, որոնց գրեթե կեսը մահացել է:

Հարցեր, պատասխաններ, մեկնաբանություններ